(ФОТО) Додека се бори со болеста – Фотографиите од насмеаниот Брус Вилис ги израдувале фановите: Направени за време на излегување во Лос Анџелес

Брус Вилис неодамна бил фотографиран за време на ретко излегување во Лос Анџелес, а на фотографиите бил насмеан и изгледал прилично добро расположен.
И’ покрај борбата со афазијата и деменцијата, холивудскиот актер изгледа опуштено и весело додека се возел во автомобилот. На главата имал капа од Los Angeles Dodgers, а ова појавување особено ги израдувала фановите на актерот.
Призорот нуди утешен увид во животот на Брус откако го напушти Холивуд поради неговата здравствена состојба.

Bruce Willis smiles as he makes rare public appearance after dementia diagnosis https://t.co/MH0VE7509R pic.twitter.com/AN8TonRCSo

— Mirror Celeb (@MirrorCeleb) October 28, 2024

Претходните појавувања на актерот во јавноста дополнително ги загрижија фановите, со оглед на тоа дека тој често изгледал дезориентиран.
Излетот во Лос Анџелес доаѓа откако поранешната сопруга на Брус Вилис, Деми Мур, објави ажурирање за неговото здравје минатиот месец, откривајќи дека е „во стабилна состојба“.
Двојката беше во брак помеѓу 1987 и 2000 година и има три ќерки: Румер, Скаут и Талула. Таа, исто така, објаснила како ги советувала своите деца да се справат со долгорочната здравствена криза на семејството.

Daily Mail во мај оваа година објави дека Брус се бори со неизлечива болест – фронтотемпорална деменција – од 2022 година. За разлика од Алцхајмеровата болест, кај фронтотемпоралната деменција губењето на меморијата не е првиот симптом што се јавува. Првиот симптом е афазија, односно нарушување на говорот.

Фото: Архива