ekran платформа за слободоумни
Британската водителка Ема Вилис открила дека била оперирана откако дознала дека има дупка во срцето. Таа изразила благодарност до лекарите и сите кои и дале поддршка во овие тешки моменти од нејзиниот живот.
Таа напоменала дека пред неколку недели направила операција која вклучувала мали засеци, што и е многу чудно за да го напише, а уште почудно кога го кажува гласно. За дијагнозата дознала минатата година.
View this post on Instagram
„Излегува дека живеев 48 години, не знаејќи дека имам дупка во срцето. Зарем не е лудо тоа што се случува во нашите тела без ние да имаме поим? Она што уште повеќе ме восхитува се чудата на модерната медицина и спектакуларните луѓе кои нè спасуваат и ни помагаат секој ден. Можете ли да замислите какво е чувството да се има раце што можат да ја прават, меѓу другото, таа работа? Тие се вистински ѕвези“, напишала меѓу другото.
Таа на социјалните мрежи им се заблагодарила на лекарите и на нејзиниот сопруг Мет Вилис.
Вилис е позната по нејзината работа на Канал 5, BBC, ITV и Heart FM. Таа била домаќин на „Големиот брат“, како и музичките натпревари „The Voice UK“ и „The Voice Kids UK“.
Минатата година таа заедно со својот сопруг почнала да ја води емисијата „Love is Blind“ на Нетфликс.
Фото: Принтскрин/Instagram
