Едноставно и вкусно – Десерт без печење: Подгответе го тигар колачот за само 15 минути

Доколку сакате колачи, но немате време за рецепти кои бараат долга подготовка и печење, овој десерт е совршен за вас.
Тигар колачот доаѓа во неколку верзии, а оваа е една од наједноставните.

Состојките што ќе ви бидат потребни се:
600 милилитри млеко
две кесички пудинг од чоколадо
шест лажици шеќер
100 грама маргарин
300 грама бисквити
150 грама чоколадо за готвење
три лажици масло
Подготовка:
За почеток измешајте го пудингот со шеќерот. Потоа додадете 12 лажици млеко и измешајте со пудингот и шеќерот.
Остатокот од млекото ставете го да се вари на тивок оган, а потоа додадете 50 гр чоколадо за готвење. Кога чоколадото ќе се растопи додадете ја смесата за пудинг и шеќерот. Варете додека смесата не стане густа. Кога пудингот е готов, тргнете го од оган и покријте го со најлонска фолија за да не се формира кора.
Кога пудингот малку ќе се олади додадете маргарин и убаво изматете. Потоа додадете ги искршените бисквити, убаво измешајте и смесата префрлете ја во калапот. Оставете го колачот да се стегне.
За глазурата растопете го остатокот од чоколадото со 3 лажици масло и прелијте го врз колачот. Оставете да се лади уште еден час, а потоа уживајте во овој брз и вкусен десерт.

Фото:Instagram