ekran платформа за слободоумни
Пред шест месеци, Ши Женгли добила повик од кој се плашела цел живот.
Еден од водечките кинески виролози од Вухан, не била во градот кога и било кажано веднаш да се врати во лабораторијата.
Двајца хоспитализирани пациенти имале невообичаена пневмонија, а Центарот за контрола и превенција на болести во Вухан побарал нејзина стручна помош, бидејќи се стравувало дека ќе се појави нов вид вирус, што може да биде опасен за јавното здравје.
Овие биле првите познати случаи на инфекција со коронавирус, а Женгли ги поминала следните два месеци во лабораторија, обидувајќи се да открие сè што може за болеста ковид-19.
За неколку дена, таа го открила геномот на коронавирус со колегите, но нејзините откритија не ја виделе веднаш светлината на денот, поради што почнале да кружат приказни дека кинеската влада се обидува да ја прикрие епидемијата.
'Bat Woman' scientist who holds key to coronavirus cure gives terrifying pandemic warninghttps://t.co/lHPdHuxKT0 pic.twitter.com/Teij7klI6W
— The Mirror (@DailyMirror) June 30, 2020
Кинескиот новинар Гао Ју тврди дека Женгли во една прилика му рекла дека е „замолчена“.
„Подоцна дознавме дека нејзиниот институт го заврши секвенционирањето на геномите и другите тестови на почетокот на јануари, но дека сè остана под превезот на тајност“, рекол тој.
Само една недела подоцна, тие податоци беа обелоденети.
Таа рекла дека станува збор за нов вирус, а истражувањето открило дека 96 проценти е идентичен со вирусот пронајден кај лилјаците во Јунан.
Нејзиниот тим утврдил дека 5 заразени пациенти имаат исти генетски секвенци што можат да се најдат кај сите коронавируси.
За време на нејзините 16. години работење со лилјаците, Женгли открила дека суптропските области на Кина претставуваат најголем ризик за пренесување на коронавирусот од животните на луѓето.
„Никогаш не очекував вакво нешто да се случи во Вухан, централна Кина“, рекла таа.
Затоа и самата се сомневала дека некој вирус „избегал“ од лабораторијата, но истражувањата сепак покажале дека вирусот, најверојатно, имал помали жариштаи пред да се влоши ситуацијата во Вухан.
„Со животот гарантирам дека вирусот нема никаква врска со мојата лабораторија“, напишала таа на Фејсбук во февруари.
Женгли е еден од водечките светски истражувачи за коронавирус и открил десетици од нив во пештери на лилјаци.
Таа својата истражувачка работа ја започнала во екот на епидемијата САРС, која се појави во 2002 година, а нови случаи не се пријавени од 2004 година.
Кога ги споредила примероците на САРС и новиот коронавирус, таа видела дека тие се слични.
Таа ги обиколила пештерите и земала примероци лилјаци. Сепак, со недели, тие не нашле никакви знаци на нов коронавирус. Женгли била очајна.
Тимот се подготвувал да се врати дома кога друга лабораторија им дала опрема да тестираат за антитела кај луѓе заразени со САРС.
Така, таа ги тестирала собраните примероци од лилјаци, а резултатите биле неверојатни.
Антитела на вирусот САРС се пронајдени во три вида лилјаци, што значи дека тие биле на еден чекор од откривањето на генетскиот код.
Се верува дека лилјаците се одговорни за 6. случаи на појава на коронавирус, вклучувајќи го и ковид-19, но експертите отсекогаш истакнувале дека проблемот се јавува кога луѓето доаѓаат во контакт со овие животни.
Женгли, од друга страна, смета дека тоа не е случај и дека епидемијата на Вухан е повик за будење за целиот свет со цел да се најде начин да се спречи друга пандемија.
“Она што го откривме е само врвот на ледениот брег. Мисијата мора да продолжи. Коронавирусите поврзани со лилјаци ќе предизвикаат повеќе жаришта и ние мора да ги најдеме пред тие да не најдат нас”, предупредила таа.
Во својата работа, која сè уште не е рецензирана, таа изјавила дека коронавирусите се развиваат, така што тие можат полесно да се пренесат од лилјаците на луѓето.
