ekran платформа за слободоумни
ПОЧЕТОКОТ на летото е веднаш зад аголот и носи некои чести повреди кај децата. Др. Зафар Шамун, шеф на одделот за итни случаи во болницата Beaumont Dearborn, за Detroit Free Press открил со кои пет повреди најчесто се среќаваат децата во текот на летните месеци и како да ги лекувате.
Повреди на главата (лесни до тешки)
„Носењето кацига е многу важно, без разлика дали детето вози велосипед, скејтборд или вози ролери. Треба да се повика брза помош ако детето е збунето по падот, има мачнина или повраќа, ако е летаргично или поспано или се жали на главоболки кои не поминуваат“, вели др. Шамун.
Топлинска исцрпеност
Др. Шамун вели дека ова е честа појава во текот на јуни и јули, што не мора да се случува на високи температури, туку во секое време.
„Децата сакаат да играат, а не да се одмораат. Останете под сенка, бидете хидрирани, носете крема за сончање со заштитен фактор 30 или повисок и обновете ја откако ќе излезете од базен, езеро или море. Побарајте лекарска помош ако вашето дете има гадење или грчеви, повраќа, летаргичен е или има температура повисока од нормалната“, предупредил тој.
Гребнатини, осип и рани
Овие работи тешко се спречуваат, но нивното лекување е многу едноставно. Др. Шамун забележува дека раните ги чистите со вода а избегнувајте триење со алкохол и водород пероксид бидејќи тоа може да го одложи заздравувањето. Нанесете тенок слој антибиотска маст на раната за да го поттикнете заздравувањето и да помогнете при болка.
