Детска работилница – дизајнирај го велосипедот од своите соништа

Донесете ги вашите најмили на креативно дружење денес во Јавна Соба со почеток во 11:00 часот. Овој пат вашето дете ќе има можност да го дизајнира велосипедот од своите соништа со помош на сертифициран ментор.

Преку цртање, боење и правење колажи ја развиваме имагинацијата на најмалите. Потребните материјали за ова дружење ги обезбедуваме ние и гарантираме одлична дружба.

Ирина Кајчевска е дизајнерка, која своето образование го стекнува на Факултетот за дизајн и мултемедија. Има неколку самостојни изложби и работно искуство во магазин за мода и дизајн, дизајнер е во центарот за дизајн и иновации Јавна Соба, како и официјален дизајнер на Skopje Design Week 2018/2020. Ирина размислува “outside the box”, не држејќи се до рамките на извесни правила и законитости овозможувајќи неконвенционален пристап во третирањето на цртежот во контекст на графичкиот дизајн.

Возраст: 6+

Цена на билет: 350 денари.