Денес во Паркот на франкофонија ќе се одржи музичкиот хепенинг „Нешто што ќе остане“

Концертот „Нешто што ќе остане“ ќе се одржи денес од 19:00 часот. Во недела, Паркот на франкофонија повторно ќе биде во фокусот на културните збиднувања. Ве покануваме сите да ни се придружите и заедно по втор пат да ја напишеме центарската музичката приказна “Нешто што ќе остане”.

Оваа година, на бината под ведро небо, сценариото со своите гласови ќе го пишуваат FIC & D’INVISIBLES, Лара, Пајак, Таско и Лозано, а низ приказната ќе нè води незаменливиот Сашко Коцев.

Што можете да очекувате? Музика за сите вкусови и генерации, изненадување за помладите, спомени за повозрасните. Македонско музичко доживување што полека ќе прерасне во традиција.