Денес се сеќаваме на основоположникот на музикологијата во Македонија, Драгослав Ортаков, кој почина на денешен ден во 2007 година

Проф. д-р Драгослав Ортаков беше роден во Гевгелија на 22 април 1928 година. Македонски музиколог и композитор, основоположник на музикологијата и на музичката византологија во Македонија. Се категоризира во третата генерација македонски повоени композитори. Еден е од основачите и долгогодишен професор на Факултетот за музичка уметност во Скопје.

Како прв музиколог и музички византолог во Македонија, оставил голем број на фундаментални дела, пред сè од историјата на македонската музика и посебно, византиско-словенската музика во Македонија (“За музиката”, “Музичката уметност во Македонија“, “Ars Nova Macedonica“, “Огледи за византиско-словенската музика во Македонија“, “De musicis” – критики и осврти и други книги, а има напишано и околу 90 музиколошки статии и огледи). Неговото композиторско творештво брои околу 150 дела, како од инструменталниот, така и од вокалниот музички род: гудачкиот квартет, циклусот “Ептамерони” за камерен ансамбл, Музиката за пијано и инструментален ансамбл, сонатата за пијано, творби за гудачки состави и многу други дела. Посебно место во неговиот опус им припаѓа на големиот број црковно-музички дела. Во тој сегмент од композиторската дејност на Ортаков, централно место заземаат неговите дешифрации и хармонизации на црковни песнопенија.


Добитник е на голем број награди и признанија, од кои кај нас се издвојуваат наградите “Св. Климент Охридски“, “13 ноември“, “Трајко Прокопиев“, а исто така и на награди и признанија во странство, поврзани со неговата музиколошка и композиторска дејност.

Починал на 09 декември 2007 година во Скопје.


 

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

МАКЕДОНЕЦОТ ВИКТОР НАСТЕСКИ ОСТАНА БЕЗ РАБОТА НА БРОДСКА КОМПАНИЈА ПОРАДИ ПАСОШОТ!

Штетите од хаосот со личните исправи на македонските државјани, предизвикани од предавството на марионетската влада …