Денес се сеќаваме на нашиот прерано починат музичар Александар Дворчанец-Сале

Александар Дворчанец познат како Сале Блузмен е роден во Прилеп на 29 ноември 1973 година. Тој беше македонски музичар – свирач на усна хармоника и вокал, член и фронтмен на култната македонска група Crossroad Blues Band.

Во средината на 90тите години на XX век, Дворчанец стапува во контакт со гитаристот Бранко Нешкоски – Бане со кој собираат локални музичари и во стара куќа на крајот од градот започнуваат со работа. Го формираат бендот Crossroad Blues Band.

Набрзо после почетокот стануваат локална атракција, поради големиот број на музичари на сцената и повеќеслојниот звук кој го произведуваат. Имаат бројни настапи во Прилеп и околните градови. На почетокот од 2000 година групата го снима својот прв сингл.

По кратко боледување починал на 10 ноември 2018 година во Прилеп.