Денес роденден прославува нашиот познат хармоникаш и композитор Горан Алачки

Горан Алачки е роден на 31 јануари 1965 година во Пожаревац, Србија, во македонско семејство. Тој е познат македонски хармоникаш и композитор на фолк-музика.

Почнал да свири хармоника од својата 7. година. Тој има многу компонирани авторски песни и хитови („Дојди ми Лено на перниче бело“, Драган Мијалковски — Валандово фолк-фест 1989), „Што за светот што за децата“, „Меланхолија“, „Парче од Европа“ (Тоше Проески — Национален евросонг 2004), и многу ора и други композиции.

Горан Алачки бил член и на групата на познатиот кларинетист Драги Митев, а има свирено со многу познати естрадни уметници како што се Влатко Стефановски, Стинг, Елтон Џон, Оливер Драгојевиќ, Џибони, Луис, Адријана и Ирена, и многу други.

Тој е организатор на фестивалот “Фолк Фест Владимирово” кој за прв пат ќе се одржа на крајот од мај оваа година. На фестивалот се најавени да настапат доајените на македонската песна: Драган Мијалковски, Круме Спасовски, Ванчо Тарабунов, Наум Петрески, Перо Христов, Виданка Ѓорѓиевска, Нино Величковски и други.

Среќен роденден Горан ти посакува редакцијата на Екран.