Денес ќе се одржи петтата хронометар велосипедска трка – HALKVELO GREEN

На 8 Септември 2024, со почеток во 9:00 часот во Маврово во организација на Halkbank, ќе се одржи петтата хронометар велосипедска трка – HALKVELO GREEN.

Категоријата ХОБИ (мажи и жени) која се однесува на сите велосипедисти кои рекреативно или професионално се занимаваат со овој спорт.

Во рамки на ХОБИ категоријата, формирани се и подкатегории според возраст:

Мажи и жени од 40 до 49 години
Мажи и жени од 50 до 59 години
Мажи и жени над 60 години
Во рамки на оваа категорија ќе се организира и тимски натпревар. Повеќе информации на веб страната на трката.

Во категорија ДЕЦА, во машка и женска конкуренција, ќе се натпреваруваат:
-деца од 6 до 12 години, кои ќе возат 12 километри, (до Никифорово и назад)

Во категорија ЈУНИОРИ, во машка и женска конкуренција, ќе се натпреваруваат:
категорија деца од 13 до 17 години, кои ќе ја возат целата дожина од 22 километри

Стартот на трката ќе биде хронометар, што значи дека на секои 30 секунди ќе стартува по еден велосипедист. Распоредот за старт на трката по категории е следен:

10.00 – старт на учесниците во категоријата КИДС од 6 до 12 години кои ќе возат патека од 12 километри
11.00 – старт на учесниците во категоријата ЈУНИОР од 13-17 годишна возраст кои ќе се возат на патеката од 22 километри
12.00 – старт на учесниците во категоријата ХОБИ на патека од 22 километри
Секој учесник ќе стартува според времето кое ќе биде објавено во стартната листа на www.halkvelogreen.mk

Секој учесник во трката ќе добие:

Стартен број со чип
Медал за завршена трка
Освежување
Онлајн диплома
Бесплатни фотографии од трката (GetPica)
Подарок од Халкбанк
Осигурување од несреќен случај за време на трката

HalkVeloGreen е организација и трка во рамки на ХалкЕко платформата на Халкбанк која е во функција на промоција на здрави животни навики кај луѓето и придонесување кон зачувување на животната средина.