„Дали си маж“ освои две награди на фестивалот Paradiso Film Fest: за најдобро сценарио и најдобар филм со социјална тема

Краткиот филм Дали си маж / Are You a Man освои две награди на фестивалот Paradiso Film Fest: за најдобро сценарио и најдобар филм со социјална тема. Ова е голем
успех за продукцијата Минимал колектив, за актерите и екипата.  Сценаристот Ѓорче Ставрески радоста ја сподели на социјалните мрежи честитајќи им на сите:

Главната улога во филмот ја игра деветгодишниот Данило Ивановски, а во останатите улоги се: Душица Настова, Сашко Коцев, Драгана Костадиновска, Александар Микиќ, Анастасија Ласовска, Ѓорѓе Нешковиќ, Лила Милиќ и Мими Таневска Србиновска. Кастинг директор е Билјана Драгиќевиќ Пројковска.

Директор на фотографија е Наум Доксевски, сценограф Симо Бранов, костимограф Жаклина Крстевска, шминка Жанета Димитриевска, снимател на тон Бојан Паликуќа.

Монтажата ја изработи Мартин Иванов.

Филмот е во продукција на Минимал колектив Скопје и Сет Сеил Филмс од Белград.

Продуцент е Ивана Шекуткоска, а копродуцент е Андријана Софраниќ Шуќур.

Дистрибутер на филмот е француската компанија Премиум филмс со седиште во Париз.

Филмот е поддржан од Агенција за филм на Р.С. Македонија и Филмски центар Србија.