„ДАЈ ЕДНА ЧАЛГИЈА” СО САШКО МИТЕВ НА ЛЕТНАТА СЦЕНА ВО КРИВА ПАЛАНКА

Целовечерен концерт „Дај една чалгија” со Сашко Митев и инструментална чалгиска група, ќе се одржи на летната сцена на Градскиот плоштад во Крива Паланка, на 18 јуни (вторник), со почеток во 20,00 часот.

Сашко Митев е вокалист и инструменталист, член на амсамблот „Танец”, кој ќе настапи во придружба на Костадин Андоновски-виолина, Влатко Терзиски – кларинет, Тимко Чичаковски –канон и Дамјан Зифовски –тарабука.


Настанот е извонредна можност кривопаланчани да се запознаат и потсетат на вистинскиот дух на македонскиот музички народен јазик преку виртуозните звуци на македонската чалгија, исполнета со емоции и традиционални мелодии.

Организатор на чалгиската вечер е НУ Центар за култура Крива Паланка, а настанот е дел од манифестацијата „Крива Паланка-Град на културата 2024″.


©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Сеќавање: На денешен ден во 2010 година почина истакнатиот македонски карикатурист Делчо Михајлов

Делчо Михајлов е роден на 27 ноември 1947 година во Скопје. Тој беше македонски карикатурист, …