ekran платформа за слободоумни
Националната установа центар за култура „Трајко Прокопиев“ Куманово ќе им овозможи на пожарникарите од Куманово и Старо Нагоричане бесплатен влез за фестивалот „Денови на комедија 2024“, информираа денеска надлежните од центарот.
Како институција одлучивме да доделиме бесплатни билети за сите театарски претстави кои ќе бидат дел од годинашново издание на Меѓународниот фестивал Денови на комедија 2024 во Куманово. Како наш мал придонес и гест кој се надеваме дека ќе биде прифатен од луѓето кои деновиве секојдневно се борат со пожарите кои ја зафатија Македонија.
Оваа година учество ќе земат театрите од Македонија и гостите од Бугарија и Србија.
Билетите ќе може да се подигнат пред почетокот на Фестивалот во втората половина на месец септември или ќе им бидат доставени на пожарникарите во Куманово и Старо Нагоричане.
