Еден од најпознатите боливудски актери бил нападнат во својот дом во Мумбаи…
Познатиот боливудски актер Саиф Али Кан бил нападнат со нож во неговиот стан во луксузен кварт во Мумбаи. Како што соопштила градската полиција, непознат натрапник нешто по полноќ упаднал во неговиот стан, што предизвикало конфликт меѓу нив при што актерот бил избоден шест пати.
View this post on Instagram
Според пишувањата на странските медиуми, актерот веднаш бил пренесен во болница, каде тим лекари констатирале дека две од шесте убодни рани биле на критичните точки на телото, а едната била дури и блиску до карлицата. Додека лекарите се загрижени за здравјето на актерот, полицијата води истрага и засега само констатирала дека се работи за обид за кражба, а идентитетот на провалникот се уште не е познат.
Имено, Саиф Али Кан е еден од најпознатите индиски актери на боливудската филмска индустрија. Роден е на 16 август 1970 година во Њу Делхи, а познати се и неговите родители. Неговата мајка е познатата актерка Шармила Тагоре, а татко му е индискиот принц и играч на крикет Мансур Али Кан Патауди. Саиф е познат и по прекарот „Чхоте Наваб“, што во превод значи „малиот принц“, со што се потврдува неговото аристократско потекло.
View this post on Instagram
Во 1990 година, Саиф ја започнал својата кариера и се здоби со популарност и слава глумејќи во романтични комедии, акциони филмови и се појави во серијата на Нетфликс, “Sacred Games”.
Фото: Принтскрин/Instagram