Ако се будите во текот на ноќта, има една работа што не треба да ја правите: Повеќето луѓе ја прават истата грешка

Дали често се будите среде ноќ? Не е многу проблем ако само се превртите и повторно заспиете. Веројатно нема да се сеќавате ни кога ќе се разбудите наутро.
Меѓутоа, ако едноставно не можете повторно да заспиете, има една работа што никогаш не треба да ја правите, бидејќи тоа може целосно да ви го „скрши“ сонот. Несоницата ќе ве исцрпи, следниот ден ќе бидете уморни и поспани.

Многумина веќе знаат дека не е многу добро да се гледа часовникот по ноќното будење. Често може да се случи да бидете исцрпени и под стрес дека ви останува толку малку време за одмор.

Сепак, има нешто уште полошо, а тоа е проверка на времето – на вашиот мобилен телефон. Вообичаено, телефонот е најблиску до нас, но штом ќе стигнеме до „синиот екран“, паѓаме во искушение да погледнеме во вестите или да скролуваме низ социјалните мрежи. Токму тоа не треба да го правиме, објаснува д-р Фиона Борвик од Медицинскиот факултет во Стенфорд.
Сината светлина од екраните и содржината на социјалните мрежи може дополнително да го разбуди мозокот и да го наруши сонот. Наместо тоа, ако не можете да заспиете по 10-15 минути, треба да станете од кревет.

Преместете се на тивко и удобно место во куќата, на пример, на софата во дневната соба и направете нешто што не предизвикува преголема стимулација – читајте книга или слушајте музика. Кога повторно ќе почувствувате поспаност, вратете се во кревет.
Не треба да останете во кревет додека не можете да заспиете, бидејќи тоа создава асоцијација помеѓу креветот и состојбата на будност, а не спиење. Не треба да го правите тоа, а само така ќе можете да спиете подобро.
„Наместо да размислувате за несоница, прифатете ја ситуацијата и фокусирајте се на нешто друго.

Ако постојано размислувате за тоа како не спиете, може да ја зголемите вашата анксиозност и да ви биде сè потешко да се опуштите. Прифатете ја состојбата на будност и фокусирајте се на тивка активност додека повторно не се чувствувате подготвени за спиење“, вели д-р Борвик.

Клучот за подобар сон е избегнување на стрес и стимули за време на ноќните будења. Наместо да го проверувате телефонот или да останете во кревет, обидете се со смирувачки активности кои ќе ви помогнат да се опуштите и природно да заспиете. Квалитетниот сон е процес кој се гради, како за оваа така и за идните ноќи.

Фото: Архива