(ВИДЕО) ПОЛИЦАЈЦИТЕ ВО ВИЕНА СО ПЕСНА ГИ ИЗНЕНАДИЛЕ СОГРАЃАНИТЕ: Со неофицијалната химна им испратиле важна порака!

Полицијата во Виена синоќа во 18 часот од своите автомобили ја пуштиле песната „I am from Austria” (Јас сум од Австрија), на кантавторот Рајнхард Фендрих, што со години се смета за неофицијална химна на Австријците.
„Ова е шармантен начин да се каже благодарам на сите што помагаат и остануваат во домовите“, соопштила службата за информирање на полицијата за агенцијата АПА.

Оваа акција ќе трае барем до крајот на викендот.
Портпаролот на полицијата, Даниел Фирст, вели дека одговорот од граѓаните е многу позитивен а во полицискиот извештај се вели дека граѓаните покрај кои поминувале пееле.
Вечерва, според полицијата, оваа акција ќе се пренесува и преку социјалните мрежи.