ekran платформа за слободоумни
Работите кои не се надминуваат во врската или бракот се очигледно многу наивни
Прашањето за односот помеѓу маж и жена останува најактуелно уште од библиските времиња. Ниту една друга тема, било да е тоа политика, природа или било што друго, не инспирирала толку многу книги, слики, статии и филмови. Но, и покрај ова, ниту еден од научниците, поетите, уметниците, психолозите или астролозите не успеа да најде универзална „формула на среќа“.
Недостигот на оваа „формула за среќа“ или кој било друг „правилник“ е главната причина поради која врската меѓу мажот и жената може да се нарече најдолгата „војна“ во историјата на човештвото за правото да се биде среќен и сакан. Во тактиката на оваа „војна“ страните ги користат сите можни средства – љубов, грижа, внимание, нежност, почит и поддршка. Секој си го избира својот пат. Но, само една работа може да доведе до пораз – навреди кои е невозможно да се простат, кои оставаат длабока рана на срцето.
Значи, што жената дефинитивно никогаш нема да му прости на мажот:
Одбивање да помогне
Секој знае или слушнал за нешто што се нарекува генетска меморија или генетско памтење. Така, во генетската меморија на жените е вградено дека мажот е витез, херој, подготвен во секој момент да ѝ помогне на својата дама. Не е важно во што се состои помошта – возење навечер до аеродром, носење аспирин од цел град, помагање да забие шајка или да премести плакар, давање „машки совети“ или пари за нови чизми. Секое одбивање на маж (оправдано или не) го намалува неговиот „рејтинг“ во очите на жената исто толку колку што и е важно тоа барање во тој момент.
Верувајте, мажи, дека модерната жена може сама да се справи со сите проблеми – да нарача такси, да нарача лекови и намирници на нејзината домашна адреса, да ангажира обучени луѓе да поправат славина или да склопат гардеробер и да заработи пари за брендирана чанта (не зборуваме за жените за кои добивање на материјални добра е начин на живот или професија).
Барањето на жената за помош е нејзината желба да биде слаба, да чувствува машка поддршка и грижа. Тоа и треба на секоја, дури и на најуспешната жена. Одбивањето, по правило, се доживува како навреда – затоа што пред вас таа практично ја „оголи“ својата немоќ. Жените често ги користат барањата како еден вид тест за мажот. Но, резултатот е секогаш ист: жените не сакаат и не простуваат одбивања.
