Скопскиот бенд Fiction со нов сингл насловен „Брои до 3″

Скопскиот бенд Fiction го ојбави новиот сингл насловен како „Брои до 3″. Песната е создадена и снимена во периодот април – мај 2023, и продолжува да го негува алтернативниот рок звук на бендот, овојпат збогатен со фанк и фјужн влијанија.

Музиката и текстот за „Брои до 3″ се на гитаристот на бендот, Виктор Захариев, додека за микс и мастерот беше задолжен Раде Биковски. Во снимачкиот дел помогна Јана Ѓуревска.

Освен тапаните, кои се снимани во студиото „Подрумот” на Ангел Ќосев, песната е во целосна продукција на бендот.

Видео спотот за „Брои до 3″, исто така е во целосно самостојна продукција на бендот.

Бендот има настапувано на повеќе фестивали меѓу кои и Андерфест фестивал во Скопје.

Fiction го сочинуваат: Петар Ѓуревски – вокал, Виктор Захариев – гитара, вокал, Филип Андонов – бас гитара и Теодор Теодосиевски – тапани.