ekran платформа за слободоумни
Луѓето со компулсивно прејадување ја користат храната како единствен начин да се справат со негативните емоции. Не бидете еден од нив.
Понекогаш најсилните желби за храна се јавуваат кога емоционално сте на најниската точка. Кон храната се обраќате за утеха, свесно или несвесно, кога сте соочени со тежок проблем, кога се чувствувате под стрес или ви е досадно.
Емоционалното прејадување може да саботира и да спречи многу работи во вашиот живот, а не само желбата да изгубите неколку килограми. Овој проблем често води до тоа да јадете премногу висококалорична, слатка и масна храна. Добрата вест е дека ако сте склони кон емоционално прејадување, можете да преземете чекори за да ја вратите контролата врз вашиот живот и навиките за исхрана. Време е да почнете да се храните здраво и паметно.
Како функционира циклусот расположение-храна-губење тежина?
Емоционалното прејадување е начин да се потиснат или смират негативните емоции, како што се стресот, лутината, стравот, досадата, тагата и осаменоста. Големите животни настани или, почесто, секојдневните проблеми може да предизвикаат негативни емоции што доведуваат до емоционално прејадување и го нарушуваат вашиот секојдневен живот. Што може да биде поттик за емоционално прејадување?
– Конфликти во односите
– Работа или други стресни фактори
– Замор
– Финансиски притисоци
– Здравствени проблеми
Иако има и такви кои јадат помалку поради сето горе наведеното, има повеќе кои стресот и негативните емоции ги третираат со храна. Поконкретно, големи количини на храна.
Всушност, вашите емоции можат да станат толку поврзани со вашите навики во исхраната што автоматски посегнувате по задоволство секогаш кога сте лути или под стрес без да размислувате што правите.
Храната исто така служи како одвлекување на вниманието. На пример, ако сте загрижени за претстојниот настан, може да се фокусирате на прејадување наместо да се справувате со болната ситуација.
Без оглед на емоциите што ве поттикнуваат на прејадување, крајниот резултат е често ист. Ефектот е привремен, емоциите се враќаат и веројатно тогаш ќе го носите дополнителното бреме на вината, бидејќи и сте се здебелиле, што во суштина е најмалиот проблем. Проблемот е што вашите емоции ве поттикнуваат да се прејадете.
