(ФОТО) Првенец на Расел за прв триумф на Мерцедес во 2022 година!

Возачот на Мерцедес Џорџ Расел ја постигна првата победа во кариерата откако триумфираше на Големата награда на Бразил, претпоследната трка од овогодинешниот шампионат во Формула 1.


На овој начин Британецот на својот тим му го донесе и првиот триумф сезонава, прв по минатогодишната трка во Саудиска Арабија на која славеше Луис Хамилтон. Седумкратниот светски шампион беше најблиску до својот тимски колега на „Интерлагос“ за двојната победа на Мерцедес. Карлос Саинц Јуниор во Ферари беше на третото скалило на подиумот.

Веќе во првиот круг од денешната трка имаше голем инцидент, по кој Кевин Магнусен излета на патеката, а потоа удри во Даниел Рикиардо и двајцата ја завршија трката.
Иако многу делови од болидот веднаш останаа на патеката и имаше голема гужва, останатите возачи за среќа успеаја да ја избегнат истата или слична судбина и без штета да излезат од овој хаос. На редарите им беа потребни седум или осум круга за да ги исчистат сите остатоци од патеката и да ја осигураат безбедноста на другите натпреварувачи.

Набргу потоа и по продолжувањето на трката, Хамилтон и Ферстапен се туркаа и Британецот излета од патеката, но успеа да се врати, а на крајот новиот/стариот шампион во Формула 1 доби казна од пет секунди.
Расел беше одличен на денешната трка и успеа да дојде до првата победа во кариерата, а неговиот клупски колега Луис Хамилтон заврши на второто место. Третиот и четвртиот беа дуото од Ферари, Саинц и Леклер, додека во првата петорка се најде и Фернандо Алонсо.
Ферстапен денешната трка ја заврши на шестото место, а седми беше неговиот тимски колега Перез.

Фото: Принтскрин/Twitter

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

(ВИДЕО+ФОТО) „Може и 0 па 1“: Ден после победата и шампионската фотосесија на Новак Ѓоковиќ!

„Може да биде 0, па 1“, низ смеа одговорил Новак Ѓоковиќ кога организаторите на турнирот …