(ФОТО) Рудар директно од работа го однел детето на натпревар. Нивната слика стана вирална

ФОТО од натпревар од кошаркарската лига на Америкаската колеџ кошаркарска лига го обиколи светот. Kentucky Wildcats, еден од најдобрите тимови во државата, биле бодрени од татко и син, а таткото бил видно уморен и валкан од работата во рудникот. Тренерот на „дивите мачки“, легендарниот Џон Калипари ги објавил на својот Твитер.
„Американскиот сон на моето семејство започна во Кларксбург, во рудникот за јаглен, па оваа фотографија ме потсетува на домот. Она што ми е кажано е дека по неговата смена, овој човек побрзал дома да го земе својот син за да може да го однесе на натпреварот. Не знам кој е тој, но имам ВИП билети за него и неговото семејство“, напишал Калипари на Твитер.

„Не сакал да пропушти голем дел од натпреварот“
Неговото име е Мајкл Мекгваер, а неговиот син се вика Истон. Мајкл работи во рудник за јаглен во планините Апалачи, и ова бил првиот кошаркарски натпревар на Истон на колеџ. Сè за Fox коментирала сопругата на Мајкл, Моли.
„Разговарав со него, кога ми се јави, тој рече дека нема да има време да се тушира ​​или ќе го пропушти поголемиот дел од натпреварот со Истон. Купивме влезници за да присуствуваат на натпреварот, тоа би бил прв натпревар на колеџот во Кентаки на која Истон присуствувал“, рекла сопругата на Мајкл.


„Имав избор. Или да одам веднаш на натпреварот или да пропуштам полувреме, да одам дома и да се истуширам“, објаснил Мајкл чија приказна завршила на бројни спортски портали ширум светот. Следниот ден не бил свесен за тоа бидејќи работел, но како што вели, на враќање кон дома сфатил колку луѓе му испратиле порака и дека станал хит на Интернет.

Фото: Принтскрин/Twitter

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Осум здравствени придобивки од ПРЕСТОЈ ВО ТИШИНА: Најдете време за себе

Општо познато е дека бучавата не влијае добро на луѓето, но што е со тишината? …