(ВИДЕО+ФОТО) Бојана Скендеровски денеска на јавноста ѝ ја претставува моќната балада со наслов „Сонце меѓу сенките”

По одличната „Среќа и несреќа” Бојана Скендеровски денеска на јавноста ѝ ја претставува моќната балада со наслов „Сонце меѓу сенките”. И оваа композиција, како што веќе и најави Бојана, ќе биде дел од новиот студиски материјал што паралелно се подготвува и за домашниот, но и за пазарот во соседството.

„Интересно за оваа тема е што воопшто не ми беше во план ниту да ја снимам ниту да се најде на веќе најавениот албум, но штом ја слушнав буквално се вљубив, што се вели, на прво слушање и едноставно не можев да ѝ оддолеам, па морав да ѝ најдам место на албумот. Се работи за песна, и текст и музика, која буди некоја магична емоција, и навистина верувам во неа, вели Бојана.


This image has an empty alt attribute; its file name is Бојана-Скендеровски2.jpg

Текстот за „Сонце меѓу сенките” е со потписот на Робин Зимбаков, додека музиката и аранжманот се на Срѓан и Кристијан Јовановиќ. Спотот, пак, чија приказна го следи самиот текст е снимен со режисерот Дарио Јанковиќ и на повеќе локации низ главниот град.


Бојана освен македонска, сними и српска верзија со наслов „Енигма”. Текстот за српската верзија е на Дивна Миловановиќ, а и таа е снимена во студиото Sound Desing Mix. Мастерингот е на Srkiboymusic, Кристијан и Срѓан Јовановиќ беа задолжени за пијано и клавијатури, а Младен Пецовиќ за гитара. Интересно е дека придружните вокали ги пее Сузана Бранковиќ, за чиј вокал пошироката јавност слушна по излегувањето на темата „Поноќ” – насловната од филмот „Тома”.

This image has an empty alt attribute; its file name is Бојана-Скендеровски.jpg


Се надеваме дека ќе уживате во моќната емотивна балада на Бојана, која перидов освен на музички план и со снимање на новиот материјал, е сѐ поактивна и кога се живите настапи во прашање.

„Агендата со настапи низ Македонија полека се полни и тоа ме радува. Задоволна сум од реакциите на публиката и навистина уживам во дружбите. Едвај чекам во живо да ја отпеам „Сонце меѓу сенките” и да ги чујам реакциите на мојата публика “, вели Бојана.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

(ВИДЕО) Ѕвездата од „ТОП ГАН“ ПОЧИНАЛА НА 66 ГОДИНИ! Ја делел сцената со Том Круз, Чак Норис и Брус Вилис: „Тој беше светилник на светлината и силата!“

Американскиот актер Кларенс Гилард Јуниор, кој се прослави со улогите во филмовите „Умри машки“ и …