ekran платформа за слободоумни
По мачните летни месеци во кои отсуствуваше од тимскиот собир и дел од подготовките, оправдувајќи го непристигнувањето во Манчестер Јунајтед со лични причини, а во исто време медиумите пишуваа за неговата желба да го напушти клубот, Кристијано Роналдо би можел да го постигне она на што се надеваше во јануари – трансфер.
View this post on Instagram
Португалскиот напаѓач сакаше клуб кој ќе биде конкурентен во првенството и Лигата на шампионите, што Јунајтед не е. Гигантот од Олд Трафорд по осум кола во Премиер лигата со еден одигран натпревар помалку веќе заостанува девет бода зад лидерот Арсенал, а не е ниту во најсилното европско натпреварување. Во последното коло го загуби градското дерби против Манчестер Сити со 3:6, со тоа што до 84. минута заостануваше пет гола. Роналдо тој меч го следеше од клупата и се уште го чека првиот гол сезонава во Премиер лигата.
Сè уште со желба да се бори за титули и фрустриран од минутажата што ја има во клубот, Роналдо не се откажал од идејата да го напушти Јунајтед. Во летниот преоден рок неговиот агент го понуди на европските гиганти, но немаше заинтересирани барем по високата цена. Нов обид ќе има во зимскиот преоден рок.
View this post on Instagram
„Daily Telegraph“ наведува дека клубот ќе биде подготвен за нови преговори во јануари и ќе се обиде да го искористи тоа што договорот на незадоволниот Роналдо истекува на крајот од сезоната. Се посочува и дека доколку Роналдо го сака тој трансфер ќе мора да се согласи на намалување на платата на неговата нова адреса.
Фото: Принтскрин/Instagram
