(РЕЦЕПТ/ВИДЕО) Ефтин десерт, лесен за подготовка: Чоколадна торта со бисквити и кикирики со која никогаш не можете да погрешите

Рецепт идеален за секоја пригода
Без разлика дали сакате да подготвите нешто за празнична трпеза или да ги изненадите вашите најблиски, чоколадната торта со бисквити е совршената идеја. Освен што лесно и брзо се подготвува, не ви се потребни скапи состојки. Оваа торта е идеална и за почетниците во кујната.
Состојки:
150 гр шеќер
250 гр путер
125 мл млеко
200 гр бисквити
400 гр млеко во прав
80 гр кикирики
4 лажици какао
Подготовка:
Во тенџере растопете го путерот, па додадете ги млекото, шеќерот и какаото. Загрејте сè на пониска температура и мешајте паралелно додека состојките не се соединат и стопат.
Кога ќе добиете компактна маса, тргнете го садот од оган и оставете го 2 до 3 минути малку да се излади.
Во смесата постепено додавајте млеко во прав и матете со миксер на средна брзина. Матете додека не се формира хомогена маса.
Потоа додадете ги искршените бисквити и сечканите кикиритки.
Калапот за торта покријте го со проѕирна фолија, па истурете ја смесата и израмнете ја.
Оставете во фрижидер преку ноќ, а потоа следниот ден извадете од калапот и послужете.

Фото: Принтскрин/YouTube/Przepiski