Web

„Бела ноќ“ на скопјани ќе им понуди богата културна програма


Традиционалната културна манифестација „Бела ноќ“ ќе се одржи во сабота (1.10.2022) на повеќе локации низ Скопје. Скопјани и посетителите ќе имаат можност да уживаат во музички концерти, изложби, проекции, поетски читања, работилници, жонглерско шоу и перформанси на десетици локации низ градот.
Централната манифестација ќе се одржи на плоштадот „Филип Втори“ каде скопјани за прв пат ќе имаат можност да уживаат во насловните нумери од филмовите на легендарниот Џејмс Бонд во изведба на Камерниот оркестар на Битола, покрај тоа ќе можат да гледаат детска театарска претстава, жонглерско шоу, музички концерт на Мијата, a за крај да се журкаат на настапот на диџеј Дабнотик.

This image has an empty alt attribute; its file name is bela-nok-programa.jpg


„Десонанс Фестивал“ ќе го има своето тринаесетто издание во дворот на Кинотека на Северна Македонија, а ќе се презентира македонската електронска сцена која е напредна и во тек, вибрантна со случувањата на глобалната современа електронска сцена. Со свои настапи ќе се презентираат четворица македонски диџеи, а ќе ги надополнат со видео-арт материјали Филип Митров и Атанас Ботев, а за филмската програма ќе се погрижи Кинотеката.
Во Градски парк кај фонтана ќе се може да се погледне „Сообраќаен инсектариум – ПајакАрт“ групна изложба на 13 домашни автори, од различни ликовни изрази чија идеја е да се преиспита односот помеѓу типичната градска слика на сообраќаен метеж од паркирани возила на улици, булевари и тротоари и „пајак“ возилото, и нивните афинитети и творечки потенцијали, со изложување на дела на специфично зададена локација – автомобил.


This image has an empty alt attribute; its file name is bela-nok-bond.jpg

Програмата ја збогатуваат и културните институции МКЦ, Детски културен центар „Карпош“, Национална галерија, Музеј на современа уметност, Музеј на Мајка Тереза, Зоолошка градина, Библиотека „Браќа Миладиновци“, Музеј на македонската борба и НУ Музеј на Република Северна Македонија.
Целосната програма со распоред, локации и учесници може да се погледне на www.univerzalna.com.mk/belanok. Сите настани се од отворен карактер и се бесплатни за посетителите.
Настанот е во организација на ЈУ Универзална сала, финансиран од Град Скопје, а покровители се Сити Радио и Лајф Радио.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

„Кино за млади“ во Скопје

Два филма од поновата европска продукција на 28 и 29 ноември (понеделник и вторник) бесплатно …