Турнир за пласман во кошаркарската лига на шампионите: На програмата полуфиналните натпревари

Скопје го живее духот на кошаркарска Европа. По успешниот старт на турнирот, следуваат полуфиналните борби за пласман во кошаркарската лига на шампионите.

Првиот натпревар на денешната програма е закажан за 18:00 часот. Во него се соочуваат фаворизираниот Тофаш од Бурса, Турција и квалификантот од првиот натпреварувачки ден, романскиот Волунтари. Волунтари одигра солиден натпревар во средата совладувајќи го англиски Лестер Рајдерс, но денешниот предизвик за нив е можеби меч на сезоната. Од друга страна пак, доаѓајки од силната турска лига, Тофаш е секако главен фаворит на овој турнир и реалноста вели дека денешниот натпревар треба да биде само загревање за финалниот дуел кој ги очекува во недела. Дали со оваа реалност се согласуваат момците од Волунтари, ќе видиме по денешниот двомеч во спортскиот центар Борис Трајковски.

loading...

Победата над домашниот ТФТ го доведе германскиот Кемниц на мегдан со Фрибург. Одличните швајцарци пристигнаа во Скопје по привилегијата да го прескокнат првиот меч од турнирот, но вечерва ги очекува несомнено квалитетен противник.

Меч без фаворит, меч во кој се очекува врвна кошаркарска претстава од обете екипи и секако неизвесна завршница.


Натпреварот е закажан за 21:00 часот, во спортскиот центар Борис Трајковски.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Озил објавил фотографија од болничкиот кревет со надеж дека ќе реши долгогодишен проблем

Поранешниот германски репрезентативец Месут Озил објавил дека операцијата на грбот му „минала добро“ и дека …