ekran платформа за слободоумни
Откако Чарлс стана нов британски монарх, постои можност погребот на кралицата Елизабета Втора на 19. септември да биде последен јавен настап на принцот Ендру со остатокот од кралското семејство.
Принцот Ендру се повлече од кралските должности во 2019. година по скандалот со Џефри Епштајн и наводите за силување на малолетничка.
„Најголемата драма беше со принцот Ендру. Ако кралицата беше под стрес за нешто, тоа беше поради него. Беше вистинска криза”, изјавила за „Фокс“, Шенон Фелтон Спенсер, експерт за кралското семејство и односи со јавноста.
Иако на почетокот се чинело дека Ендру не отпатувал во Балморал со своето семејство, тоа се покажало како неточно.
„Чарлс не гледа толку благонаклонето како нивната мајка“
„Чарлс и Вилијам не се согласија со кралицата за Ендру. Тој е нејзиниот второроден син и таа мислеше дека треба да биде поприсутен за време на прославата на платинестиот јубилеј, но Чарлс и Вилијам не се согласија. Затоа ја искористија неговата корона инфекција како изговор“, објаснила таа.
Таа додала дека не верува дека Ендру ќе биде во првиот ред на погребната поворка, иако тоа е неговата мајка: „Неговиот шеф сега е кралот Чарлс и тој не гледа на него толку благонаклонето како нивната мајка. Тој ќе биде на погребот и ќе се придржува до протоколот, но не би ме изненадило тоа да биде негов последен јавен настап со семејството. Кралот Чарлс не го сака во близина“.
Фото: Архива
