ekran платформа за слободоумни
Срцевите болести остануваат водечка причина за смрт кај мажите и жените ширум светот. Овие состојби може да вклучуваат коронарна артериска болест, срцев удар и други дијагнози. Сепак, ризикот од развој на срцеви заболувања е различен за мажите и жените.
Возраста може да биде значаен фактор. Холандска кардиолошка студија покажува дека жените развиваат кардиоваскуларни болести во просек седум до 10. години подоцна од мажите поради женските хормони, кои се зголемени пред и по менопаузата. Ова на жените им дава дополнителна заштита неколку години подолго од мажите.
Кардиологот д-р Норман Е. Лепор од Универзитетот во Калифорнија рекол дека кај жените сето тоа се сведува на начинот на кој возраста влијае на нивото на холестерол.
Нивото на естроген кај жените може да влијае на нивото на холестерол
Неколку студии веќе ја потврдија корелацијата помеѓу нивото на естроген и холестерол.
Истражувачите од Националниот институт за здравје откриле дека промените во нивото на естроген за време на менструалниот циклус може да го променат нивото на холестерол.
Зголемените нивоа на естроген резултирале со повисоки нивоа на HDL холестерол и намалена количина на LDL – „лошиот“ холестерол.
HDL наспроти LDL холестерол: Која е разликата?
Високото ниво на ЛДЛ холестерол може да ги запуши артериите со формирање на наслаги и со зголемување на ризикот од развој на коронарна артериска болест. ХДЛ холестеролот е важен за чистење на вишокот холестерол и транспортирање до црниот дроб за да се отстрани.
Бидејќи црниот дроб е под влијание на хормоните, тоа може да влијае на производството на HDL и LDL холестеролот во црниот дроб, според д-р Лепор.
Значи, иако исхраната игра значајна улога во нивото на холестерол во телото, гените и хормоните исто така имаат одредена контрола врз производството на холестерол во црниот дроб.
Менопаузата го менува нивото на хормоните, создавајќи зголемен ризик
Иако нивото на холестерол кај помладите жени се одржува под контрола со релативно повисоки нивоа на естроген, тој тип на одбрана исчезнува откако жената ќе мине низ менопауза.
Кај жените до 70 .години, ризикот од развој на коронарна васкуларна болест ќе биде еднаков на ризикот кај мажите, објаснува д-р Лепор.
Според Американското здружение за срце, има севкупно зголемување на инциденцата на срцеви удари 10. години по менопаузата, а секоја трета жена завршува со некоја форма на кардиоваскуларни болести.
„Мислам дека ова е особено важно бидејќи го потценуваме или негираме ризикот од срцеви заболувања кај жените“, вели д-р Лепор, кој препорачува редовни прегледи за сите пациенти почнувајќи од 40-годишна возраст.
