Жерар Пике го прекинал молкот, се заканува со тужба: „Тоа е сериозен удар“

Откако беа објавени првите фотографии од него со новата девојка Клара Чиа, шпанскиот фудбалер Жерар Пике најавил дека ќе поднесе тужба против оние кои „го менуваат неговиот семеен живот и ги кршат правата на неговите деца“.
Уморен од секојдневната опсада на папараците и медиумската прашина што се крена околу неговото раскинување со поп-ѕвездата Шакира, Пике се консултирал со правен тим за да ја заштити својата приватност и новата фаза во животот со својата 23-годишна партнерка, пишува Tportal.hr.

This image has an empty alt attribute; its file name is pike-so-novata-devojka-1.jpeg
„Откако Шакира и Жерар Пике во заедничка изјава потврдија дека се разделуваат на 4. јуни, беа објавени многу гласини и наводни непроверени информации за играчот, неговото семејство и приватниот живот“, стои на почетокот на соопштението во јавноста напишано од неговиот правен тим.
Пике преку своите адвокати уверува дека медиумскиот прогон во последните два месеци предизвикал голема промена во животот на неговите деца Милан и Саша.
„Медиумските натписи и фотографии предизвикуваат не само штета на неговата чест и имиџ, туку се и сериозен удар за правата на неговите деца, чија безбедност и заштита се негова најголема грижа“, пишува во соопштението.
„Истовремено, континуираното следење на некои медиуми и папараци го принуди нашиот клиент да ја промени својата дневна рутина со единствена цел да ги заштити своите деца, семејството и најблиската околина“, се продолжува во соопштението.
Иако фудбалерот на Барселона отсекогаш бил подготвен да соработува со медиумите и да го следи неговиот професионален и приватен живот, овојпат нема да дозволи да одат чекор понатаму и планира да преземе правни мерки против сите кои му се мешаат во неговиот живот и во животите на неговите деца.


This image has an empty alt attribute; its file name is sakira-so-pike-i-decata.jpg

„Жерар Пике отсекогаш ги почитувал активностите на медиумите и нивното право на информирање и е целосно свесен за фундаменталната улога што ја играат во нашето општество. Сепак, во последните недели имаше мешања кои ги преминуваат границите на законитоста, поради што нашиот клиент беше принуден да побара мерки на претпазливост за отстранување и да покрене судска постапка против оние кои го менуваат неговиот семеен живот и ги кршат правата на децата, имајќи предвид дека единствената цел на Жерар Пике е да ја обезбеди нивната благосостојба и да ги врати нивните права на приватност, безбедност и мир“, стои во официјалното соопштение на фудбалерот.
На крајот, адвокатите во име на својот клиент се заблагодариле за воздржаноста што ја покажале одредени медиуми во Шпанија во последните месеци.
„Со оваа изјава, нашиот клиент сака да се заблагодари на почитта и информативната строгост што ја покажаа некои медиуми и верува дека се ќе се реши на најдобар можен начин, секогаш користејќи добар и здрав разум.


Извор: tportal.hr

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

(ФОТО) ОВА ГО ЧЕКАШЕ ЦЕЛИОТ ТЕНИСКИ СВЕТ! Федерер се огласи и му честита на Ѓоковиќ!

Поранешниот тенисер број еден во светот и голем ривал на Новак, Роџер Федерер, му честиташе …