ekran платформа за слободоумни
Американската актерка Блејк Лајвли ги воодушеви своите следбеници објавувајќи на Инстаграм фотографија во бело бикини, што ретко го прави.
Таа ја објави фотографијата ден пред нејзиниот 35-ти роденден, што беше совршен начин на нејзините следбеници да ѝ го честитаат роденденот.
View this post on Instagram
Во мај, актерката за магазинот Форбс изјави дека нејзините три ќерки, со нејзиниот сопруг и актер Рајан Рејнолдс, ја зголемиле нејзината самодоверба, и на личен и на професионален план.
– Мислам дека со моите деца почнав да се чувствувам многу поудобно во своја кожа. Никогаш не сум се чувствувала поопуштено и посигурно во сопственото тело. Да не речам дека нема тони несигурности кои ме погодуваат милион пати на ден, но се чувствувам неверојатно смирено, рекла таа.
– Мислам дека растењето, раѓањето деца и други работи направија да се чувствувам како да сакам да правам само работи каде што можам да имам значајна соработка. Верувам во вредни соработки и тоа е она што го исполнувам во последно време, а никогаш не сум била посреќна, професионално, додала таа.
View this post on Instagram
Лајвли претходно зборувала за борбата со несигурноста на телото откако ја родила ќерката Бети во октомври 2019. година.
Во серија објави на нејзината приказна на Инстаграм, актерката се осврнала на своите комбинации што ги носела во јавноста по раѓањето на нејзината ќерка и ги објаснила тешкотиите во наоѓањето облека што ѝ прилега за време на бременоста.
– Ова не им испраќа голема порака на жените кога нивните тела не одговараат на она што го нудат брендовите. Тоа е отуѓувачки и збунувачки, заклучила таа.
View this post on Instagram
Актерката, која исто така ги дели седумгодишниот Џејмс и петгодишната Инез со Рејнолдс, додала дека сега посакува да била посигурна во своето тело по породувањето.
– Посакувам тогаш да се чувствував самоуверена како и сега, гледајќи наназад една година подоцна, напишала таа.
-Тоа тело ми даде дете. И ја произведе целата залиха на храна за тоа дете. Какво прекрасно чудо, продолжила таа.
– Но, наместо да се чувствувам горда, се чувствував несигурно. Едноставно затоа што не се вклопував во облеката, објаснила таа.
Фото: Принтскрин/Instagram
