ПРЕВЕНТИВА – Еве кои уреди во куќата мора да ги ИСКЛУЧИТЕ пред да одите на одмор!

Погрижете се да го сочувате вашиот дом!
Основното правило пред да одите на некој подолг одмор надвор од дома е да ги исклучите сите уреди, бидејќи и кога се исклучени, но сеуште вклучени во струја, уредите трошат струја, советуваат експертите.
Значи, првото правило е да ги исклучите сите електрични уреди. Многумина трошат струја дури и кога се исклучени, па затоа е потребно да го извадите приклучокот од штекерот, но советот е да исклучите се што можете пред се заради безбедност и сигурност.
Исклучете ја климата. Задолжително исклучете го бојлерот пред да заминете. Задолжително исклучете го и главниот вентил за вода, за да не дојде до дефект или поплавување.
Не оставајте светла или светилка запалени кога не сте дома, па дури и да сакате да оставите впечаток дека некој е таму. Побезбедно е некој од време на време да го посетува вашиот дом за да се увери дека се е во ред.

Исклучете ги лаптопите, компјутерите, полначите за телефони, конзолите за игри и сите уреди со надворешни полначи. Сите полначи црпат струја кога се приклучени, без разлика дали уредот е вклучен во нив.
Исклучете ја микробрановата рерна, тостерот, блендерот, апаратот за кафе и друго. Исклучете го замрзнувачот, фрижидерот и бојлерот. Без разлика дали го вклучувате и исклучувате бојлерот по потреба или го држите постојано вклучен, задолжително исклучете го пред да заминете на одмор. Исклучете го и кујнскиот бојлер ако е поврзан со приклучок.
Исчистете го фрижидерот и отстранете ја целата расиплива храна од него. Ако сте отсутни повеќе од еден месец, исклучете го од струја.