Македонски автори застапени во седмиот број на српското списание „Рас комик“

Во најновиот седми број на српската периодична публикација „Рас комик“, што неодамна излезе од печат, се објавени два стрипа на македонски автори. Се работи за наградуваниот стрип „Мачорот што сакаше да стане крал на светот“ на Катерина Николовска-Тери и стрипот „Блесок“ на Мирко Бојаџијевски, обата работени по текстови на стрип-сценаристот и хроничар Александар Стеванов од Штип.

„Рас комик“ е српска ревија во издание на Клубот на ликовни уметници, Канцеларијата за млади и Центарот за култура од Рашка. Соработката на македонската стрип-сцена со публикацијата е остварена пред неколку години, на стрип-колонијата во Рашка. На колонијата што годинава се одржа кон крајот на јули традиционално присуствуваа и автори од земјава, испратени со посредство на СЦМ – Велес.


©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Вечерва во ЦК „Марко Цепенков“ целовечерен концерт ќе одржи БрасАрт квинтет

На 8 август 2022/ понеделник/ од 20.00 ч. во фоајето од ЦК „Марко Цепенков“ целовечерен …