Експертите тврдат: Пет видови зеленчук кои најмногу помагаат по 50-тата година од животот и помагаат против одредени болести

Зеленчукот е секогаш прв на листата на храна препорачана од нутриционистите. Го обезбедува телото со витамини, минерали, фитонутриенти и други супстанции кои помагаат во борбата против разни болести, јаглехидрати и протеини. Зеленчукот може да помогне во борбата против одредени болести поврзани со стареењето.
Истражувањата покажаа дека зголемениот внес на зеленчук, особено зелениот, е најдобриот начин да го подобрите вашето здравје на која било возраст, но особено по 50. Овие пет видови зеленчук ќе ви помогнат максимално да уживате во животот дури и во староста, па вклучете ги во вашето дневно мени што е можно поскоро.
1. Спанаќ
Спанаќот содржи витамин А и каротеноидни пигменти лутеин и зеаксантин, а овие супстанции играат важна улога во заштитата на окото од оштетување предизвикано од изложување на сонце и промени во окото предизвикани од стареење. Ќе добиете придобивки за здравјето на очите без разлика дали јадете свеж спанаќ, конзервиран или замрзнат.

2. Кељ
Кељот е зеленчук со мала содржина на оксалати и богат со калциум. Оксалатите се супстанции кои ја спречуваат апсорпцијата на калциум, па затоа зеленчукот кој е и богат со калциум и „сиромашен“ со оксалати е од суштинско значење за здрави коски. Соодветниот внес на калциум и витамин Д е од суштинско значење за градење и одржување цврсти коски. По 50-тата година, минералната густина на коските почнува значително да се намалува бидејќи процесот на распаѓање го надминува процесот на градење на коските. И ова не прави повеќе склони кон болести како што е остеопорозата. Ако не сакате да додавате кељ во салати, обидете се да направите чипс од него така што ќе ги искинете листовите на помали парчиња, ќе ги премачкате со маслиново масло и ќе ги печете во рерна додека не станат крцкави. Друга опција е да додадете кељ во смути што го правите за појадок или ужина.