ekran платформа за слободоумни
Во документарец на Би-Би-Си, успешниот британски спортист Мо Фарах (39) го шокираше светот со признавањето дека како дете бил илегално донесен во Обединетото Кралство како жртва на трговија со луѓе и дека на почетокот бил принуден да работи како слуга.
Најуспешниот тркач на долги патеки на сите времиња откри дека го добил името Мохамед Фарах од истите луѓе кои го донеле на Островот, а неговото вистинско име е Хусеин Абди Кахин.
Како деветгодишно момче го донеле од Џибути, а кога пристигнал бил принуден да се грижи за децата на едно семејство.
Легендарниот спортист претходно тврдеше дека на Островот пристигнал од Сомалија како дете бегалец, додека сега е откриено дека неговиот татко Абди бил убиен во немирите во Сомалија кога тој имал само четири години.
View this post on Instagram
Фарах вели дека имал осум или девет години кога го одвеле од дома за да биде со семејството во Џибути и жената која подоцна го однела во Обединетото Кралство му рекла дека ќе се види со семејството, па затоа бил возбуден поради тоа.
Меѓутоа, жената го однела во Лондон и ги искинала сите документи пред него во кои се споменувале неговото вистинско семејство.
„Таа ги искина документите пред мене и ги фрли во ѓубре. Тогаш знаев дека сум во неволја. Морав да работам по дома и да се грижам за децата ако сакам да јадам. Често се заклучував и плачев во бањата“, открил Мо.
Olympic gold medallist Sir Mo Farah reveals he was trafficked to UK as child, given new name and forced to work as domestic servant https://t.co/Xs07wzPich
— BBC Breaking News (@BBCBreaking) July 11, 2022
Семејството каде што бил принуден да работи прво не го пуштило да оди на училиште, но потоа на 12. години сепак бил испратен на училиште.
Неговиот професор по физичко образование Алан Воткинсон ја забележал трансформацијата на момчето кога ќе се појавел на атлетската патека.
„Единствено што можев да направам за да избегам од мојата ситуација беше да излезам надвор и да трчам“, рекол Фарах.
Откако му се доверил на Воткинсон, наставникот по физичко се јавил во социјалните служби и успеа да го смести Мо со друго семејство од Сомалија.
View this post on Instagram
„Сè уште ми недостигаше моето семејство, но од тој момент сè беше подобро. Чувствував дека многу грижи се тргнати од моите раменици. Се чувствував дека тоа сум јас. Тогаш излезе Мо, вистинскиот Мо“, рекол тој, меѓу другите работи.
Подоцна, Фарах почна да се докажува како спортист и додал дека сака неговата приказна да поттикне дискусија за трговијата со луѓе и ропството.
View this post on Instagram
„Не знаев дека толку многу луѓе го поминуваат истото како мене. Тоа само покажува колку имав среќа. Она што ме спаси, што ме издвојува од другите е тоа што можам да трчам”, открил Фарах.
Фото: Принтскрин/Instagram
