Здравјето е на прво место: Искористете ја сезоната на пливање – Пливајте секој ден најмалку половина час!

Треба максимално да ја искористите сезоната на пливање, бидејќи оваа спортска активност толку позитивно влијае на здравјето што дури се тврди дека го продолжува животот…
Освен тоа, пливањето е физичка активност погодна за секого, без разлика на возраста или кондицијата.
Го зајакнува кардиоваскуларниот систем, го стабилизира крвниот притисок, го продлабочува дишењето, го зголемува капацитетот на белите дробови… Позитивно делува и на зглобовите, ја зголемува нивната подвижност и еластичност, што помага за подобра координација на движењата.
Пливањето се препорачува и како анти-стрес терапија бидејќи ја намалува анксиозноста и го намалува нивото на кортизол – „хормонот на стрес“, кој е одговорен за вознемирена состојба.
Со оваа физичка активност се зацврстува целокупната мускулатура на телото – рацете, рамењата, грбот, градите, нозете, кондицијата и издржливоста.

„Потрошувачката на калории е исклучителна, така што за време на 60 минути слободно пливање можете да согорите од 500 до 700 калории“

Рекреативното пливање се препорачува особено за постарите лица, а особено за оние со хронични срцеви проблеми. Срцевите мускули стануваат посилни со пливање, а поради зајакнувањето на мускулите се продлабочува дишењето и телото добива повеќе кислород.
Идеално, пливањето треба да се практикува секој ден по половина час. Доколку тоа не е можно, пливањето три пати неделно по триесет минути има позитивен ефект.
Ефектот на оваа активност е значаен во превенцијата од дијабетес: ако пливате 30 минути три пати неделно, ќе согорите 900. калории и со тоа ќе ја намалите можноста да заболите од дијабетес за повеќе од 10. проценти.

Изберете го соодветниот стил на пливање:
Слободен (краул)
Ова е еден од најчестите стилови на пливање. Ако пливате со побрзо темпо, ова е стилот што се препорачува кога сакате аеробни ефекти.

Градно
Градно е побавна техника на пливање која бара поголема сила на рамената и нозете.

Комбиниран
Доколку нема здравствена пречка, најдобро е да ги комбинирате сите стилови на пливање, бидејќи на тој начин се постигнува најдобар ефект и рамномерно се развиваат сите мускули на телото.

Пеперутка
Ако вашата цел е да го зајакнете рамениот појас, пливајте пеперутка.

Грбно
Грбниот стил се препорачува за оние кои имаат проблеми со ‘рбетот, особено со цервикалниот дел на ‘рбетот, болки, лошо држење, деформитети.

Фото: Архива