(ВИДЕО) Искрено со Андријана Јаневска: За почетоците со музиката до денес, за бракот и семејството, за загубата на мајка си, моторот како страст, шахот како пасија и уште еден куп…

„Се вљубив во него оти стално ме засмејуваше, а така е и денес. Тој е 15 години постар од мене, ама тоа никогаш не ни ги менува работите”

Андријана Јаневска повеќе од 20 години е на музичката сцена. Кога првпат настапи на Скопскиот фестивал во ’98 не ни мислела дека толку долго ќе се занимава со пеење. Денес зад неа се настапи, песни, манифестации. Таа е професорка по виолина, ама ретко кој знае дека последнава години е и моторџика. Вози Хонда Сузуки. Иако на сопругот Гино, а и на татко ѝ не им се допаднала идеја, Јаневска денес вози мотор.


This image has an empty alt attribute; its file name is andrijana-janevska-4.jpg

„Не знам ни јас како се решив. Кумот наш вози мотор, па еден ден дојде, свртевме еден круг и сфатив дека тоа е тоа. Кога одев на часовите за да полагам за мотор, во еден момент си реков, што ми е мене, ама ете адреналинот си го направи своето”, открива Јаневска и додаде: „Но, јас многу внимавам и возам со 16 очи отворени”.


This image has an empty alt attribute; its file name is andrijana-janevska-1.jpg

Не е тајна дека е љубител на формула 1. „Од мала барав татко ми да ми дава да возам, затоа денес со страст гледам формула”, открива Андријана за „Репортер”.
Освен возењето, голема страст ѝ е риболовот, а до скоро учествуваше на шаховски натпревари.


„Шах престанав да играм затоа што многу се нервирам. После една партија на Првенството во Струга кога скоро 4 саати игравме со еден постар господин, добив шаховско слепило и ја предадов партијата. Противникот ме фати на кондиција. Инаку љубовта кон шахот ми е од дедо ми со кого играв уште како мала”, вели Андријана.

This image has an empty alt attribute; its file name is andrijana-janevska-5.jpg

Мајка на два сина и 13 години е во брак со музичарот Димитар. Вели: „Се вљубив во него оти стално ме засмејуваше, а така е и денес. Тој е 15 години постар од мене, ама тоа никогаш не ни ги менува работите”.

Најмногу од сè ја погоди смртта на нејзината мајка, за која вели: „Не бевме ни свесни, таа почина ненадејно. Болката си ја носам во себе. Ми фали таа нејзина одлучност. Јас секогаш се колебам за работите, а таа ќе ми помогнеше да решам. Секогаш ми беше ветер во грбот”, вели Андријана.

This image has an empty alt attribute; its file name is andrijana-3.jpg

Низ муабетот дознавме многу работи за неа. Едната од нив е дека живее со свекрвата, со која оди задно и на одмор и дека одлично функционираат. „Види, сите ми се чудат како одам на одмор, а јас немам проблем. Кај нас дома секој си ги знае обврските. Јас го средувам дворот, Гино коси трева, свекрва ми готви ручек”, искрена е Андријана.
Од почетоците на музиката до денес, за бракот и семејството, за загубата на мајка си, моторот како страст, шахот како пасија и уште еден куп муабети, гледајте го интервјуто.

Фото: Принтскрин/YouTube/reporter.mk

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

(ФОТО) ЛАРА ФЛИН БОЈЛ – Ѕвездата на „Твин Пикс“ ретко се појавува во јавноста, многумина сметаат дека изгледа непрепознатливо

Лара Флин Бојл беше ѕвезда на серијата „Твин Пикс“ во раните 1990-ти. После тоа таа …