Две шолји засладено кафе на ден ви помагаат да живеете подолго, покажа најновото истражување

Луѓето кои пијат кафе имаат до една третина помала веројатност да умрат млади, дури и ако додадат шеќер во популарниот пијалок, велат истражувачите.
Оваа студија, објавена во Annals of Internal Medicine, е првата која го поврзува слаткото кафе со здравствените придобивки, вели д-р Лиу.
Една неодамнешна студија покажала дека луѓето кои пијат кафе живеат подолго – дури и ако додаваат шеќер во популарниот пијалок.
Научниците следеле 171.000 средовечни учесници во Обединетото Кралство помеѓу 2009 и 2018 година за да видат колку е веројатно тие да умрат во период од девет години.
Истражувачите откриле дека возрасните кои уживаат во овој популарен пијалок имаат до една третина помала веројатност да умрат млади.
Помеѓу 1,5 и 3,5 шолји дневно со лажичка шеќер го намалуваат ризикот за 29 до 31 отсто, додека секоја количина незасладено црно кафе го намалува ризикот за помеѓу 16 и 21 отсто.

Д-р Дан Лиу, од Јужниот медицински универзитет во Кина, рекол: „Нашата студија покажа дека возрасните кои пијат умерени количини кафе засладено со шеќер секој ден имаат околу 30 отсто помали шанси да умрат од која било причина во споредба со оние кои не пијат кафе.
Луѓето кои редовно пијат кафе се соочуваат со помал ризик од развој на рак или срцеви заболувања, додека инстант, мелените и безкофеин верзии се поврзани со помал ризик од смрт, открија истражувачите.
Зрната кафе се полни со антиоксиданси кои му помагаат на телото да се бори против штетните клетки и хемикалии.
Претходните истражувања ги поврзуваат оние кои пијат кафе со пониски стапки на дијабетес тип 2, Алцхајмерова болест, Паркинсонова и заболување на црниот дроб.

Д-р Кристина Ви, заменик уредник на списанието, додала: „Се верува дека кафето придонесува за антиоксидантните ефекти на телото преку кофеинот и хлорогените киселини. За незасладено кафе, оние кои пиеле околу три шолји дневно имале најмал ризик. Меѓу консументите на кафе засладено со шеќер, оние кои пиеле околу две шолји дневно имале најмал ризик“.
Пиењето повеќе од 4,5 шолји засладено кафе секој ден – или конзумирањето дополнително млеко и шеќер во пијалоците за носење – може да ги намали придобивките.
Д-р Двејн Мелор, диететичар од Универзитетот Астон, рекол: „Ова сугерира дека умереното внесување кафе може да биде корисно, но важно е да се запамети што можете да пиете со него – оваа студија не покажа дали потопувањето бисквити во кафето е добро или не, а камоли парче торта.