ekran платформа за слободоумни
МОЦАРТ беше познат по својот музички талент, кој го покажал уште од најраните денови, свирел на чембало на 4-годишна возраст и компонирал свои композиции на петгодишна возраст. Можеби е и соодветно што видеото од 5-годишното чудо од дете на Алберто Картучи Чинголани кој свири композиција од Моцарт станало вирално, а луѓето не можеле а да не се начудат и да се восхитуваат на неговите музички способности.
Нозете на Алберт не можат да стигнат ни до педалите, но тоа не ги спречува неговите мали раце да се истакнат со клавијатурите, создавајќи прекрасна музика на 10-тиот меѓународен музички натпревар Città di Penne во Италија.
Иако момчето очигледно има дарба, воспитувањето на неговите родители, кои се професионални музичари, дополнително придонело за неговите вештини. Малиот Алберто почнал да свири во 2020 година во првите месеци од пандемијата. Италија беше една од првите земји што доживеа тешка блокада, а мајката на Алберт ја искористила можноста да почне да го учи својот син да свири пијано.
Алесија Чинголани и нејзиниот сопруг Симоне Картучија дипломирале на Конзерваториумот за музика, а мајката Алесија изјавила за италијанската веб-страница Contrataque дека таа и нејзиниот сопруг веднаш го препознале талентот на Алберто.
Неговите родители сакаат тој да продолжи да расте нормално, како и секое друго дете.
Таа рекла дека иако Алберто поминува многу време покрај клавирот, тој исто така има доволно време за училиште, играње и гледање телевизија, како и секое нормално дете.
Како свири малечкиот Алберто можете да погледнете на ледниот ЛИНК
Според Corriere Adriatico, Алберто учествувал на седум национални и меѓународни онлајн натпревари и на сите го освоил првото место, а сето тоа го постигнал пред да наполни 4 и пол години. Неговата мајка рекла дека тој почнал да вежба околу 10 минути дневно и постепено зголемувале на три часа.
Некои луѓе во коментарите изразија загриженост за момчето поради преголемата сериозност на толку голема посветеност, а има и такви кои забележале дека момчето има темни кругови под очите.
Сепак, на видеата на кои се гледа како момчето си игра дома, јасно се гледа дека поминува и опуштени и безгрижни моменти, а родителите се трудат обичните детски работи да му останат приоритет.
Фото: Принтскрин/Facebook
