(ФОТО) Ферстапен грешеше и победи, срцепарателна трка за Леклер!

Актуелниот шампион во Формула 1, Макс Ферстапен, триумфираше на Големата награда на Шпанија, шестата трка од овогодинешниот шампионат.
Возачот на Ред Бул стигна до својата четврта победа сезонава на патеката „Каталунја“, што значи дека на секоја трка што ја завршуваше беше на највисокото скалило на подиумот. За Холанѓанецот тоа е 24. триумф во кариерата, а го забележа најмногу благодарение на откажувањето на возачот на Ферари, Шарл Леклер во 27. круг, бидејќи Монегасканецот до тој момент апсолутно доминанираше, но и поради тоа што неговиот тимски колега Серхио Перез го пропушти.
Најблиску до Ферстапен во Монтмел беше Перез, со што двајцата го остварија вториот двоен триумф во низа на Ред Бул. На третото скалило на победничкиот подиум се најде Џорџ Расел во Мерцедес, кој го израмни својот најдобар резултат сезонава, но и неговиот тим.


Леклер беше тој што го одржуваше водството од стартот и само ја зголемуваше предноста пред Ферстапен и Расел, па Холанѓанецот во деветтиот круг излета од патеката, но успеа да се врати на трката зад Перез. Неговиот тимски колега не му пружи никаков отпор кога го стигна, но Расел го направи тоа, а бранителот на титулата имаше проблем бидејќи неговиот ДРС не функционираше. Додека двајцата се бореа, Монегасканецот наеднаш почна да го губи ритамот поради дефект на моторот и немаше друго решение освен да се повлече од трката.

View this post on Instagram

A post shared by FORMULA 1® (@f1)


Ферстапен не успеа да се најде пред Расел на патеката, а борбата со него ја реши со тоа што порано отиде во бокс, додека Перез набргу потоа рутински успеваше да се најде пред возачот на Мерцедес. Благодарение на одличниот ритам, Холанѓанецот надополни доста време во однос на водечките двајца, а поведе по нивното заминување по нови гуми. Кога Макс отиде во бокс по трет пат, тимот му кажа на Перез да го пропушти, иако тој самиот имаше шанса да триумфира, но тој го направи тоа со незадоволство.

Возачите на Ред Бул на крајот имаа 13. секунди разлика, додека Перез беше речиси 20. секунди пред Расел, кому тимот во финишот му порача дека мора да го пушти гасот, во спротивно ризикува да не ја заврши трката. За негова среќа, четвртопласираниот Карлос Саинс јуниор беше далеку од него, но миленикот на домашната публика успеа да си ја спаси трката откако само два круга претходно излета на истото место со Ферстапен, по што падна на 11. место од петтото. На возачот на Ферари во самиот финиш и од тоа што на Луис Хамилтон од Мерцедес, исто како и на Расел, му беше кажано дека има проблем.

Седумкратниот светски шампион, Луис Хамилтон, инаку, имаше одлична трка, бидејќи по контактот со Кевин Магнусен во болидот на Хас, падна на задниот дел во првиот круг. Британецот го советуваше тимот да го извлече од трката и да го спаси моторот, но му беше кажано дека има шанса да биде најмалку осми и на крајот успеа да биде петти, пред возачот на Алфа Ромео, Валтери Ботас, Естебан Окон во Алпин автомобил и возач на Мекларен Ландо Норис. Освојувачите на бодовите ги комплетираа двократниот светски шампион Фернандо Алонсо и возачот на Алфа Таури, Јуки Цунода.

Фото: Принтскрин/Twitter

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

(ВИДЕО+ФОТО) Забрзувањето на Ѓоковиќ за четирифинале на Вимблдон!

Српскиот тенисер Новак Ѓоковиќ се пласираше во четирифиналето на Вимблдон откако во мечот од четвртото …