ekran платформа за слободоумни
Возачот на Ферари, Шарл Леклер ја освои пол-позицијата пред Големата награда на Мајами, петта трка од овогодинешниот шампионат во Формула 1.
Лидерот во генералниот пласман пред првата трка на улиците на Мајами дојде со одличен круг од 1:28.796 минути, со 19. стотинки предност пред тимскиот колега Карлос Саинс Јуниор. За Монегасканинот тоа е трета пол-позиција сезонава, а 12-та во кариерата, додека Ферари ја пополни првата стартна линија за прв пат по трката во Мексико во 2019 година.
Your 2022 Miami Grand Prix pole-sitter, @Charles_Leclerc 💥
Can our championship leader pick up his first win on American soil come race day? 👀#MiamiGP #F1 pic.twitter.com/yVQhzjwDBs
— Formula 1 (@F1) May 7, 2022
Двоецот на Ферари го следеше бранителот на титулата Макс Ферстапен, кој заостана само пет илјадити делови од секундата зад Шпанецот.
Возачот на Ред Бул ја држеше првата позиција до самиот крај на квалификациите, но и Саинс и Леклер имаа фантастични кругови со кои му се закануваа. Во тоа им помогна и самиот Холанѓанец, кој погреши во последниот обид за брз круг. На Ферстапен малку му се закануваше и неговиот тимски колега Серхио Перез, кој беше 45 илјадити делови од секундата подалеку и мораше да се задоволи со четвртото место.
Ride onboard with @Charles_Leclerc for his brilliant pole-position winning lap in Miami! 🤩🌴🤙#MiamiGP #F1 @pirellisport pic.twitter.com/TDWCEYEWHy
— Formula 1 (@F1) May 7, 2022
Најдобар меѓу другите беше возачот на Алфа Ромео, Валтери Ботас, со нешто помалку од седум десетинки зад Леклер. Финецот беше следен од седумкратниот светски шампион Луис Хамилтон, Пјер Гасли во болидот на Алфа Таури и возачот на Мекларен Ландо Норис, кои беа на неколку секунди од Леклер. Топ десет ќе бидат комплетирани на стартот од вториот возач на Алфа Таури, Јуки Цунода и Ленс Строл во Астон Мартин.
The grid is set for our maiden Miami Grand Prix 🔥
Who will you be cheering on around @HardRockStadium? #MiamiGP #F1 @f1miami pic.twitter.com/bUUUnkzwI7
— Formula 1 (@F1) May 7, 2022
Најголемото изненадување во квалификациите беше елиминацијата на вториот возач на Мерцедес, Џорџ Расел, во вториот дел, бидејќи генерално од почетокот на викендот имаше многу подобар ритам од Хамилтон. Расел ја зазеде 12-та позиција, меѓу двајцата повеќекратни светски шампиони Фернандо Алонсо и Себастијан Фетел. Во тој дел од квалификациите завршија и Даниел Рикардо во вториот Мекларен и возачот на Хас, Мик Шумахер.
Во првиот дел немаше големи изненадувања, но како помало може да се окарактеризира елиминацијата на Кевин Магнусен во вториот Хас. Данецот ќе го заземе 16-тото место на стартот, пред Гуанџу Џоу во болидот на Алфа Ромео, кој беше забавен во обидот за брз круг, од дуото на Вилијамс, Алекс Албон и Николас Латифи и Естебан Окон во Алпин. Французинот не излезе ниту на патеката во квалификациите бидејќи неговиот болид беше премногу оштетен во инцидентот со Саинс на третиот тренинг.
View this post on Instagram
Првата трка за Големата награда на Мајами во историјата започнува во недела во 21.30 часот, а можете да ја следите на Спорт Клуб ХД.
Фото: Принтскрин/Instagram
