ekran платформа за слободоумни
ЗРЕЛИТЕ години носат многу промени кои се манифестираат во физичката и психичката состојба. Иако долго време се веруваше дека метаболизмот значително се забавува со возраста, ова е мала промена. Она што значително се менува и влијае на зголемувањето на телесната тежина е количината на движење.
Промени во исхраната
За жените во 40-тите и 50-тите години, кои би сакале да направат промени во секојдневниот живот и да ослабат неколку килограми, Др. Алона Пулде советува прво да се поработи на исхраната. За Express.co.uk таа посочила каква храна треба редовно да се консумира за да спречат дебелеење, но и полесно да ослабат.
„За да спречите зголемување на телесната тежина за време на менопаузата, изберете храна богата со растителни влакна, вода и хранливи материи и ниска со масти, шеќер и сол. Изборот на растителна храна е добар почеток”.
Таа советува и исфрлање на течните калории. „Ова е особено точно за соковите и пијалоците кои се богати со шеќер и малку влакна и хранливи материи. Ако сакате да пиете вкусен пијалок, одберете смути од цело овошје, богато со влакна, а не само цедени сокови”, препорачала таа.
Др. Пулде ги советува жените во менопауза да се обидат да ја зголемат потрошувачката на растителна храна како што се овошје, зеленчук, цели зрна и мешунки. Таа објаснила: „Оваа храна е богата со витамини, минерали, антиоксиданси и фитохемикалии кои го оптимизираат вашето здравје и соодветно ги регулираат вашите сигнали за глад“.
Високо преработената и брза храна и сол треба да се сведат на минимум
Таа рекла и дека треба да ја елиминираат високо-преработената и брза храна за да се одржуваат во форма во менопаузата и да се избегне дебелеење, а потребно е да се внимава и на внесувањето сол. Ова би придонело за губење на вишокот вода од телото како и губење на вишокот килограми.
Гладувањето не е опција
Др. Пулде секако се противи на гладувањето како метод за слабеење: „Кога се ограничуваме, нашето тело ја добива пораката дека гладува и се стреми да се одржува во рамките на инстинктот да преживее. Ова нè доведува до јо-јо ефектот, каде што се воздржуваме колку можеме, но кога – тогаш сопирачките ќе се олабават и телото ќе се обиде да го надополни она што му недостига, што може повторно да доведе до зголемување на телесната тежина“.
Таа исто така советува: „Погрижете се да јадете доволно храна богата со протеини која содржи триптофан, есенцијална аминокиселина. Триптофанот помага во производството на невротрансмитерот серотонин, кој игра важна улога во регулирањето на расположението, што е особено важно за време на менопаузата. Добри извори на триптофан вклучуваат тофу, јатки, семки, овес и мешунки. Овошјето е исто така добар извор на триптофан, како што се јаболка, свежи и суви сливи, ананас, банани и киви.
