ekran платформа за слободоумни
КРИСТИЈАНО РОНАЛДО се најде во центарот на скандал по вчерашниот пораз на Манчестер Јунајтед од Евертон во Премиершипот, а сето тоа поради она што го направи кога го напушти теренот и одел кон соблекувалната. Едно момче ги снимило сите играчи на Јунајтед додека одат кон соблекувалната, исто како и многу фанови околу него, а потоа Роналдо го шокирал со потегот.
Cristiano Ronaldo smashed someone's phone after losing to Everton, according to fans at the ground 😳
(via @evertonhub) pic.twitter.com/a20z4Sg20F
— ESPN FC (@ESPNFC) April 9, 2022
Португалскиот фудбалер, очигледно бесен од поразот, го видел мобилниот телефон и го удрил момчето по раката со која го држел. Мобилниот телефон паднал на земја и се скршил, оставајќи го момчето со модринка и десетици шокирани обожаватели околу него. Многу брзо по натпреварот беше откриена приказната од снимањето на момчето на играчите на Јунајтед, а со тоа и размерите на скандалот во кој се вплетка Роналдо.
Мајката на момчето дала изјава за Liverpool Echo набргу по мечот, откривајќи дека момчето Џејкоб е аутистично и дека ова е прв натпревар во неговиот живот што го гледал во живо, па како сувенир снимил сè околу него, што вклучувало и враќање на играчите на Јунајтед во соблекувалната.
„На крајот од натпреварот играчите на Манчестер Јунајтед отидоа во соблекувалните. Имавме билети за седишта веднаш до тунелот, па мојот син реши да ги снима играчите. Ги сними сите, а потоа дојде Роналдо кој ја спушти својата штуцна и покажа крвава нога, па Џејкоб го спушти мобилниот телефон за да го сними. Не кажа ниту збор, а Роналдо потоа му го истргна мобилниот од рака и само си замина“, рекла мајката и додала:
„Од модрината на раката може да се види дека имало контакт. Не можам да верувам дека зборувам за ова. Плачев, бев шокирана, Џејкоб беше шокиран, тој е аутистичен и има диспраксија, па не ‘ни свати’ целосно што се случи додека не пристигнавме дома. Тој е потресен и не сака повеќе да оди на натпревари. Ова беше неговиот прв натпревар и еве што се случува.
Роналдо по натпреварот се огласил на Инстаграм и му се извинил на Џејкоб, повикувајќи го да дојде и да го гледа натпреварот на Олд Трафорд на негова сметка, а полицијата во Ливерпул потврдила дека започнала истрага во координација со Јунајтед и Евертон за потегот на Роналдо.
View this post on Instagram
Фото: Принтскрин/Twitter
