Единствената намирница на која можете да (пре)живеете

Можеби некогаш сте мислеле дека можете да живеете на една намирница – тоа е обично она што многу го сакате. Размислувате во сосема погрешна насока.
Изборот да се јаде само едно овошје, зеленчук или житарици би довело до откажување на органите, додека конзумирањето само месо на крајот би го принудило вашето тело да ги „џвака“ сопствените мускули, предупредуваат експертите.
Ниту еден зеленчук не ги содржи сите девет есенцијални аминокиселини што им се потребни на луѓето за да ги изградат протеините што ги сочинуваат нашите мускули, објаснила Џо Ен Хатнер, консултант за исхрана на Медицинскиот факултет на Универзитетот Стенфорд и поранешна портпаролка на Американското здружение за диететика.
На крајот на краиштата, повеќето човечки култури, без знаење за хемијата на храната, развиле исхрана фокусирана на комбинација на храна која заедно ги дава сите девет.

Без сите амино киселини, вашата коса почнува да светли, ноктите стануваат меки, вашето слабо тело страда.

„Не се работи само за вашите мускули, туку за вашето срце и другите органи“, и на крајот, вашето срце се намалува толку многу што умирате.

Јадењето само еден вид јаглени хидрати – само леб или тестенини, на пример – исто така предизвикува откажување на органите поради недостаток на амино киселини. Дополнително, би добиле скорбут, страшна болест предизвикана од недостаток на витамин Ц, која се јавува по еден до осум месеци од недостаток на овој витамин и започнува од летаргија и гихт, а завршува со гнојни рани, жолтица, треска, губење на забите и смрт.
Живеењето само од месо исто така би било ќорсокак. Покрај недостатокот на витамин Ц, повеќето месо содржат многу малку јаглехидрати – лесно достапни енергетски пакети кои постојано му се потребни на вашето тело за извршување и на најмалите задачи.
„Без јаглени хидрати, ќе почнете да разложувате дел од вашата мускулна маса за да добиете енергија“, вели Хатнер. Повторно, „мускул“ не значи само бицепс, туку и срце.

Сепак, постои една „намирница“ која го има сето тоа: онаа која ги одржува бебињата во живот.

„Единствената храна која ги обезбедува сите хранливи материи што им се потребни на луѓето е човечкото млеко“, рекла Хатнер. „Мајчиното млеко е целосна храна. Можеме да додадеме цврста храна во исхраната на доенчето во првата година од животот за да обезбедиме повеќе железо и други хранливи материи, но во човечкото млеко има по малку од се“.

Технички, возрасните би можеле да преживеат и со мајчино млеко, вели Хатнер. Во отсуство на таа опција, вториот најдобар избор би бил млекото од цицачи, особено ако е ферментирано. На пример, „јогуртот има многу бактерии кои се добри за дигестивниот тракт“.
Овие хипотетички сценарија не се само шпекулации. Во многу делови од светот, луѓето немаат друг избор освен да јадат еден вид храна, често и ориз. Затоа научниците развиваат генетски модифициран ориз кој содржи повеќе витамини и хранливи материи, особено витамин А, за да се борат против неухранетоста, наведува Live Science.