ekran платформа за слободоумни
Пожарникарите во Индијанаполис биле повикани да спасат тинејџер кој се заглавил на дрво обидувајќи се да спаси мачка.
Седумнаесетгодишниот Овен сакал да направи добро дело и да го спаси животното откако го забележал на дрво на висина од околу 10 метри. Меѓутоа, откако се качил на дрвото, Овен се заглавил и пожарникарите морале да го спасат со помош на јажиња.
– Овен немал проблеми да се качи на дрво, но положбата не му дозволувала лесно да се симне од него. Спасувачките екипи не можеа да ја постават скалата бидејќи земјата беше премногу мека за да ја издржи тежината на возилото, без да се заглави – соопштиле од противпожарната служба.
На пожарникарите им требало околу еден час за да го доведат Овен на безбедно. Лекарите откриле дека Овен е добро и има само неколку гребнатини. Во меѓувреме, мачето останало на дрвото и покрај напорите на пожарникарите.
– Мачката изгледаше како да ужива гледајќи ја комплетната гужва, и не се трудеше да се симне од дрвото – додале од противпожарната служба. Меѓутоа, луѓето коментирале дека можело да се случи мачката да „замрзне од страв“.
Портпаролката на противпожарната служба Рита Рит во понеделникот изјавила дека сопственикот на мачката најмил приватна компанија да го спаси животното.
In all it took about 1 hour after Tac Team 14 arrival at Holliday Park to bring Owen down to safety at 6:36 PM. He was checked by IEMS Medic 32 & deemed perfectly fine was released w/ approval of his parents. The cat seemed to enjoy the commotion but made no effort to climb down pic.twitter.com/dxAlh7cXuV
— Indianapolis Fire Department 🚒 (@IFD_NEWS) March 6, 2022
Фото: Принтскрин/Twitter
