(ВИДЕО+ФОТО) Виталиј Кличко: „Земам оружје и одам во војна. Немам избор!“

Виталиј Кличко, некогаш најдобриот тешкаш во светот, а денес градоначалник на Киев, рекол дека е подготвен да земе оружје за да ги одбрани градот и Украина од руската инвазија што започна вчера.

„Ова е веќе крвава војна. Немам избор, морам да го направам тоа. Ќе се борам”, изјавил Кличко, кој ја заврши својата боксерска кариера со последната борба во 2012. година, а само две години подоцна стана градоначалник на главниот град на Украина.



Веќе тогаш беше една од најистакнатите личности во борбата против зајакнувањето на врските со Русија, а денес заедно со неговиот брат Владимир, исто така жител на Боксерската куќа на славните, е подготвен да ја брани Украина со оружје од руската инвазија. Руските сили влегоа во Киев, каде што се водат улични борби. Украинските власти ги повикаа луѓето да останат во своите домови и да подготвуваат молотови коктели.

„Рускиот претседател Владимир Путин користи воена реторика и јасно стави до знаење дека сака да ја уништи Украина и суверенитетот на нејзините граѓани. Неговите зборови се придружени со проектили и тенкови. Уништувањето и смртта стигнаа до нас. Ќе се бориме со сите сили за слобода и демократија“, изјавил вчера Владимир Кличко и го повикал светот да застане на страната на Украина.

Фото: Принтскрин/Instagram

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

11 знаци дека мажот се откажува од вашата врска

Тажната вистина е дека дури и ако сте подготвени да поминете низ хаос само за …