ekran платформа за слободоумни
Истражувачите од Универзитетот во Лил смислиле начин да го продолжат инаку краткиот век на меурот од сапуница и објавија дека нивниот балон не пукнал 465 дена. Според авторите на студијата, типичен меур од сапуница за капење или миење садови трае само неколку моменти пред да пукне поради „одводнување предизвикано од гравитацијата и/или испарување на течноста“.
Во своите експерименти, тимот проучувал три различни типа на меури: традиционални меурчиња од сапуница, меурчиња на база на вода и гас и меурчиња на база на глицерол.
Тие ги следеле меурчињата со помош на вага и камера. Очекувано, меурчињата од сапуница живееле околу една минута пред да пукнат, додека гасните на база на вода траеле малку подолго и пукале во период од шест до 60 минути. Со доволно висока концентрација на глицерол, меурите со вода и глицерол останале недопрени многу подолго, а најдолговечните преживеале 465 дена откако биле направени.
Истражувачите истакнуваат дека долговечноста на овој меур од вода и глицерол произлегува токму од стабилизирачките ефекти на глицеролот, соединение кое инаку се користи како додаток во производството на храна и лекови.
„Глицеролот има силно хигроскопско дејство и познато е дека ја апсорбира водата од воздухот. Ние веруваме дека оваа апсорпција на вода ја компензира нестабилноста, додека присуството на честички на глицерол го спречува истекувањето на водата од меурот, што инаку предизвикува нивно пукање“, додаваат истражувачите.
И покрај фактот дека достигнувањата на француските физичари може да изгледаат сосема бесмислени и непотребни за лаиците, Леиф Ристроф, професор по математика на Универзитетот во Њујорк, истакнува дека овие резултати можат да имаат многу значајна практична примена.
Ристроф, кој е специјализиран за динамика на течности и ја проучува науката за меурчиња, рекол дека голем број истражувачи во медицината, како и други производствени активности, се обидуваат да научат што е можно повеќе за начините за борба против испарувањето.
