ekran платформа за слободоумни
Легендарната актерка Бети Вајт почина кон крајот на минатата година, само неколку дена пред да го прослави својот 100-ти роденден, а сега на нејзиниот официјален профил е објавена видео порака што ја снимила само 11. дена пред нејзината смрт.
Во видеото можете да ја видите актерската легенда насмеана како и секогаш, но особено дотерана во зелена весела јакна и зелена маичка. Обожаваше да се средува, изјавил продуцентот.
Таа во пораката со широка насмевка им се заблагодарила на своите фанови кои ја гледаат повеќе од 80 години.
„Сакам да ви се заблагодарам на сите за љубовта и поддршката што ми ја давате сите овие години. Ви благодарам многу”, изјавила легендата.
По нејзината смрт, Џеф Витјас, нејзиниот соработник и пријател, ги охрабрил своите фанови да донираат за многу организации во кои актерката била активист, кои беа претежно активности за заштита на животните, но и да донираат и со тоа да им помогнат на животните на кој било начин и секаде бидејќи тоа е што сакаше Бетина.
Таа толку многу ги сакала животните што во интервју за People споменала дека има 26. кучиња. Само неколку од организациите на кои таа помогнала биле „The Los Angeles Zoo“, „Wildlife Learning Center“, „Actors and Animals for Others“ и „Guide Dogs For the Blind“.
„Треба да бидете љубезни и сочувствителни кон луѓето со кои сте, мислам дека на тој начин може да се чувствувате младо засекогаш. Навистина мислам така. Тоа го научив од моите животински пријатели“, рекла таа во интервју за Кејти Курик во 2012. година.
Фото: Архива
