АО: Доколку остане во Мелбурн, Новак во понеделник ќе биде на теренот

Организаторите на Австралија опен најавија дека в понеделник ќе се одигра ’горната половина’ од ждрепката, во која прв носител е Новак Ѓоковиќ. Останува прашањето дали на Србинот ќе му биде дозволено да игра. А ако е така, кога точно ќе дознае за таа одлука со оглед на тоа што одлучувачкото рочиште е закажано за в недела.
Турнирот во Мелбурн ќе започне во понеделник, а првиот ден ќе игра „горната половина“ од ждрепката во двете конкуренции. Тоа значи дека на терен ќе бидат играчите кои се во костурот со првите носители Новак Ѓоковиќ и Ешли Барти.
Прашање е дали најдобриот светски тенисер воопшто ќе може да игра на првиот Грен слем, бидејќи одлуката за престојот во Австралија ќе биде донесена во недела.
Имено, Ѓоковиќ во недела треба да присуствува на одлучувачкото рочиште пред судијата О’Калахан.
Деветкратниот шампион на турнирот во Мелбурн во првото коло, доколку му биде дозволено да игра, ќе ги одмери силите со својот сонародник Миомир Кечмановиќ.


Фото: Twitter

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

(ФОТО) Конечно дочека: Првенецот на Саинс во лудницата во „Силверстоун“!

Возачот на Ферари, Карлос Саинс Јуниор, ја освои првата победа во кариерата, славејќи на Големата …