(ФОТО) Нетфликс снима документарен филм за Новак – се’ за скандалот во Австралија

Нетфликс ќе снима документарен филм за Новак Ѓоковиќ и настаните во Австралија, пренесува „Sportsmail“.
Според нивните информации, екипата е веќе таму и има „бомбастични“ снимки од целата ситуација.

View this post on Instagram

A post shared by 𝗡𝗼𝘃𝗮𝗸 𝗗𝗷𝗼𝗸𝗼𝘃𝗶𝗰 𝗙𝗮𝗻 🎾 (@novakdjokovickingoftennis)


Документарната серија ќе биде направена по примерот на документарниот филм за Формула 1 „Вози до преживување“.
Серијата ќе ја прави лондонскиот филм Box to Box, додека режисер ќе биде човекот кој стоеше зад проектот „Drive to Survive“ – Џејмс Геј Ривс.


„Daily Mail“ и „Spoers mail“ во своите сознанија наведуваат дека документарната серија ќе има неколку епизоди.

„Според нашите информации, камерманите се веќе таму и го следат фијаското што се случува со светскиот рекет број 1. Ќе го следат Новак, ќе имаат пристап до забранетите делови како соблекувални, соби за опоравување, ложи за играчите… Материјалот е одличен но тенисот како спорт нема да биде толку достапен за продуцентите“, се вели во текстот.

Засега нема повеќе информации, освен дека ќе се работи на проектот и дека се планира еден од најголемите и најдобри спортски документарни филмови на сите времиња.
Отвореното првенство на Австралија започнува на 17. јануари, но тој повеќе не е во центарот на вниманието.

Потсетуваме, Новак Ѓоковиќ пристигна во Мелбурн, каде што беше приведен, а визата му беше одбиена, па пет дена помина во хотел за имигранти.
Пет дена подоцна, тој ја победи австралиската влада на суд и беше ослободен.

Сега ја чека конечната одлука на австралискиот министер за имиграција Алекс Хок, дали ќе го депортира или ќе му дозволи да остане во земјата и да игра на Австралија опен.

Фото: Принтскрин/Instagram

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

ЈА ПРЕКИНАЛ прошталната турнеја: Елтон Џон има корона, откажал два концерта во САД

И’ покрај фактот дека бил вакциниран и со третата доза, Елтон Џон се заразил со …